Ўзбекистон футзал терма жамоаси аъло кайфиятда йиғинни бошлади ГАЛЕРЕЯ

Баҳодир Аҳмедов бошчилигидаги терма жамоамиз йиғини 7 апрелга қадар давом этади. Бу орада вакилларимиз 29 ва 30 март кунлари Қирғиз Республикаси терма жамоасига қарши иккита ўртоқлик учрашуви ҳам ўтказилади. Ҳар иккала баҳс "Юнусобод" спорт мажмуасида ўтказилади. Футзал терма жамоамиз айни пайтда машғулотларни "Бунёдкор" академиясига қарашли залда ўтказишмоқда. 26 мартдан эса машғулотлар "Юнусобод"га кўчади.

Ўзбекистон футзал терма жамоаси йиғинига чақирилган ўйинчилар:

Дарвозабонлар: Рустам Умаров (АГМК), Равшан Элибоев ("Каспий", Қозоғистон), Аббос Элмуродов ("Хуахин-Жиззах"), Бекали Абдураҳмонов ("Қизилқум").

Футболчилар: Ихтиёр Ропиев, Анасхон Раҳматов, Илҳом Ҳамроев, Ҳусниддин Нишонов, Дилшод Раҳматов, Даврон Чориев, Элбек Тўлқинов (барчаси "Хуахин-Жиззах"), Машраб Одилов, Акбар Усмонов (иккиси "Локомотив"), Шаҳрам Фахриддинов, Далер Эшонқулов, Қосимжон Сафаров (барчаси "Динамо"), Аслбек Исроилов, Ҳайрулла Солихов ("Бунёдкор"), Музаффар Аҳаджонов, Давлат Ибрагимов (иккиси ҳам АГМК).

Футзалчиларимизнинг кечаги машғулотларига ташриф буюрдик. Унда чақирилган ўйинчилардан Хушнур Эркинов ("Хуахин-Жиззах") жароҳат сабаб иштирок этмаяпти. Дарвозабон Равшан Элибоев эса Қозоғистонда 2-3 апрель кунлари чемпионат ўйинлари борлиги сабаб йиғинга кечроқ қўшилади. Қолганлар соппа-соғ ва тўлиқ шуғулланишмоқда. Ўзбекистон футзал терма жамоасининг кечаги машғулотидан суратларни сайтимизнинг махсус бўлими орқали томоша қилишингиз мумкин >>>>> ФОТОГАЛЕРЕЯ

Суратлар муаллифи: Толибжон Қосимов

Ўзбекистон футзал терма жамоасининг кечаги машғулотидан суратларни сайтимизнинг махсус бўлими орқали томоша қилишингиз мумкин >>>>> ФОТОГАЛЕРЕЯ