Ўзбекистон футболини қўллаб-қувватлаш жамоат фондининг 2014 йилдаги фаолияти тўғрисида

Ўтган 2014 йилда Ўзбекистон футболини қўллаб-қувватлаш жамоат Фонди республикада футболни янада ривожлантириш, моддий-техника базаси ва инфратузилмасини мустаҳкамлаш ва уни ривожлантириш, футбол бўйича миллий терма жамоаларни расмий мусобақаларига тайёргарлик кўриш ва уларда иштирокини таъминлаш, ёш ва маҳоратли футболчиларни ва мутахассисларни рағбатлантириш борасида муайян ишларни амалга оширди.

2014 йилда Фонд ҳукумат қарорлари билан белгиланган вазифаларни бажариш, айнан Ўзбекистон футболининг янги инфратузилмасини яратиш, футбол клубларини профессионал асосларга ўтказиш ҳамда болалар ва ўсмирлар футболини ривожлантиришга қаратилган тамойиллар асосида ўз фаолиятини амалга оширишни давом эттирди.

2014 йилда ҳомий ташкилотлардан тушган пул маблағлари 12 584,1 млн сўмни ташкил этди. Шундан тадбиркорлик фаолиятидан 85,2 млн сўм маблағ тушган.

2014 йилда жами харажатлар миқдори 11 470,1 млн сўмни ташкил этди.

Шундан 10 485,2 млн сўм футбол бўйича Миллий, ёшлар, ўсмирлар, аёллар, соҳил бўйи (пляж) – футболи, ампутант-ногиронлар футболи ва мини-футбол бўйича миллий терма жамоаларининг расмий мусобақаларга тайёргарлик кўришлари ва уларда иштирок этишлари ва бошқа харажатларга мақсадли йўналтирди.

Иш юзасидан сафарга чикиш ва маъмурий харажатлар, иш хаки ва бюджетдан ташқари пенсия жамғармаси соликларига, банк хизматларига, депозит хисобидаги фойдадан соликларга ҳамда футбол бўйича Ёшлар ва Ўсмирлар терма жамоалари футболчиларига берилган мукофот маблағларидан солиқларга жами 984,9 млн сўм маблағлар тўланиши амалга оширилди.

Фонднинг 2014 йилдаги фаолиятини текшириш “Глория аудит” маъсулияти чекланган жамияти аудиторлик компанияси томонидан амалга оширилган. Бунда Ўзбекистон футболини қўллаб қувватлаш жамоат фондининг 2014 йилдаги фаолияти юзасидан ижобий бахо берилган.

2014 йилда Фонд раҳбар органлари ва Уставига ўзгартиришлар киритилмаган.


Ўзбекистон футболини қўллаб – қувватлаш
жамоат фонди бошқарув органи