Championat.asia saytiga ma'lum bo'lishicha, O'zbekiston delegaciyasi bugun tunda AQSHga uchadi.
Delegaciya tarkibida FIFA tomonidan maxsus taklif etilgan o'zbek futboli afsonasi Mirjalol Qosimov, O'FA birinchi vice-prezidenti Ravshan Ermatov, terma jamoa bosh murabbiyi Fabio Kannavaro va uning yordamchilari bo'ladi. Bundan tashqari, media, marketing, xavfsizlik, transport bo'yicha seminarlarda qatnashuvchi xodimlar ham mavjud.
Eslatib o'tamiz, qur'a tashlash marosimi 5 dekabr sanasida Vashingtonda joylashgan Jon Kennedi nomidagi ijrochilik sanati memorial markazida mahalliy vaqt bilan 12:00 da, Toshkent vaqti bilan esa soat 22:00 da start oladi.
