UZ

Сўнгги янгиликлар

08:48Here we go! "Арсенал" яна бир трансферни якунлади  2 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  9 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  6 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  34 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5

"Оққушлар"дан "калтак" еган "фламинго" ва қўшимча дақиқалар қироли "Арсенал". 22-тур шарҳи Янгиликлар

"Оққушлар"дан "калтак" еган "фламинго" ва қўшимча дақиқалар қироли "Арсенал". 22-тур шарҳи

Якшанба куни бўлиб ўтган "Челси" ҳамда "Халл Сити" ўртасидаги баҳс Англия Премьер-лигасининг 22-тур учрашувларига якун ясади.

"Ливерпуль" ҳамда "Суонси" ўртасидаги ўйин ушбу тур ўйинларини очиб берди. Кутилмаганда "оққушлар" мезбон жамоани 3:2 ҳисобида таслим этди. Льоренте (дубль) ва Сигурдссоннинг голлари "Суонси"га ғалаба келтирди. Фирминонинг 2 та голи жамоасини мағлубиятдан қутқара олмади.

"Кристал Пэлас" ўз майдонида "Эвертон"га ютқазиб қўйди. Оғир ўтган баҳсдаги ягона голга Коулман муаллифлик қилди.

Аутсайдерлар сафига киритилган "Мидлсбро" "Вест Хэм" билан кураш олиб борди. Кэрролл (дубль) ва Кальерининг голларига мезбонлар Стуанининг янгона аниқ зарбаси билан жавоб бера олишди.

"Манчестер Юнайтед" мағлубиятсиз сериясини давом эттирмоқда. Бу сафар "Сток Сити"га қарши майдонга тушган "қизил иблислар" 19-дақиқада гол ўтказиб юборишди, аниқроғи Мата ўз ҳисобига автогол ёзиб қўйди. Баҳснинг сўнгги сонияларида Уэйн Руни жарима зарбасидан гол уриб, жамоасига 1 очко туҳфа қилди.


"Вест Бромвич" ортиқча қийинчиликларсиз "Сандерленд"ни мағлуб этди. 30 ва 36-дақиқаларда Флетчер ҳамда Брант томонидан киритилган голлар мезбонларга ишончли ғалабани тақдим этди.

"Борнмут" ва "Уотфорд" ўртасидаги баҳсда "олчалар" иродали дурангга эришишди. "Уотфорд" сафида Кабаселе ва Трой Дини урган голларга Кинг ва Афобе жавоб бера олишди.

Шанба кунги баҳсларни "Манчестер Сити" ҳамда "Тоттенхэм" ўртасидаги баҳс якунлаб берди. "Шаҳарликлар" учрашувни жуда яхши бошлашди ва кўплаб вазиятлар ярата олишди, аммо гол уришда муаммолар пайдо бўлди. Иккинчи бўлимнинг илк дақиқаларида Лерой Сане Льориснинг хатосидан унумли фойдаланиб ҳисобни очди. Бир неча дақиқа ўтиб Де Брюйне ҳам франциялик посбоннинг қўпол хатосини голга айлантирди. Деле Алли ва захирадан ўйинга қўшилган Сон Хён Мин учрашув 2:2 ҳисобида якунланишини таъминлашди.

"Саутгемптон" "Лестер Сити"ни 3:0 ҳисобида таслим этди. Баҳсда Уорд-Проуз, Родригес ва Тадичлар ўз ҳисобига биттадан гол ёзиб қўйишди.

"Арсенал" ўз майдонида "Бёрнли"ни қабул қилди. Мустафи Озилнинг узатмасидан сўнг ҳисобни очди. 90-дақиқагача ҳисоб ўзгармади, аммо меҳмонлар қўшиб берилган дақиқаларда Чех дарвозасини ишғол қилишга муваффақ бўлишди. Ҳакам асосий вақтга 7-дақиқа қўшиб берган эди. Алексис Санчес сўнгги сонияларда ўз жамоаси учун пенальти ишлаб беради ва ундан унумли фойдаланиб, "тўпчилар"га уч очко тақдим этади.


"Челси" ҳамда "Халл Сити" учрашув кутилганидек "аристократлар"нинг ғалабаси билан якунланди. Диего Коста ва Гари Кэхиллнинг голлари "Челси"га таъқибчилар билан фарқни янада оширишга имкон берди.

"Eplmanager"да 22-турнинг энг яхши фойдаланувчиси:


Турнинг энг яхши футболчилари:

1. Seamus Coleman (EVE) 13 points

2. Gary Cahill (CHE) 12 points

3. Roberto Firmino (LIV) 10 points

4. Fernando Llorente (SWA) 10 points

5. Kevin De Bruyne (MCI) 10 points

6. Andy Carroll(WHU) 10 points


Энг кўп супер-сардор сифатида танланган футболчилар:

1. Alexis Sánchez

2. Zlatan Ibrahimovic

3. Eden Hazard

4. Diego Costa

5. Harry Kane

6. Romelu Lukaku

7. Philippe Coutinho

8. David de Gea

9. Adam Lallana

10. Salomón Rondón

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика