"Оқ-тепа". Навбатдаги ғалаба

Арслон Толипов бошчилигидаги “Вулқон”ни қабул қилган “Оқ-тепа” қийин кечган учрашувда 2:0 ҳисобида ғалаба қозонди. Учрашувнинг анчагина қисмини бир киши кам бўлиб ўтказган Ярослав Крушеницкий шогирдлари ўз иродаларини намойиш қилишди ва якунда ҳақли ғалабани қўлга киритишди.

Айтиш керак, Тошкент шаҳар чемпионатининг “Б” гуруҳида қатнашаётган “Оқ-тепа” дастлабки уч турдан кейин юз фоизлик натижа билан пешқадамлардан бири бўлиб турибди. Жамоамиз ортда қолган уч турда рақиблар дарвозасини 9 марта ишғол қилиб, ўз дарвозаси даҳлсизлигини сақлаб келмоқда.

“Оқ-тепа” 4-турда “Интерспорт” меҳмони бўлади. Мазкур ўйин 8-9 май кунларига белгиланган.

ТОШКЕНТ ШАҲАР ЧЕМПИОНАТИ

ОҚ-ТЕПА – ВУЛҚОН – 2:0

3 май. Тошкент. “Оқ-тепа” майдони.

Бош ҳакам: Дилшод Каримов.

“Оқ-тепа”: Рустам Дадабоев (Михаил Каплан), Жаҳонгир Исмоилов (Амурхон Равилов), Фирдавс Кенжаев, Сергей Уваров, Олмос Файзиев, Исломжон Йўлдошев (Зикрилло Омонов), Шоҳруҳ Гулмуродов (Руслан Зарипов), Иззатилла Тўлқунов (Исломжон Ортиқов), Бахтиёр Ҳаитов (Илҳом Абдиев), Бекзод Идиев (Абдувоҳид Абдукаримов), Лазизхон Ашрафхонов.

Голлар: Иззатилла Тўлқунов, Лазизхон Ашрафхонов.

“Оқ-тепа” ФК матбуот хизмати