"Олмалиқ" - "Қизилқум" учрашувидан кейинги фикрлар

Игорь Шквирин ("Олмалиқ" бош мураббийи): Бугунги ўйин ўзига хос дерби эди. Охирги йилларда "Қизилқум" билан тўқнашувлар осон кечмаяпти. Бугун ҳам қийин аммо ишончли ғалабага эришдик. "Бухоро" билан ўйиндаги каби захирадан ўйинга қўшилган футболчиларимиз натижани ижобий якун топишига ўз ҳиссаларини қўшишди. Қўзланган мақсад сари юришни давом эттирамиз.

Юрий Лукин ("Қизилқум" катта мураббийи): Бугунги ўйин анча қизиқарли ва шиддатли кечди. Ҳақли ғалаба билан "Олмалиқ"ни табриклайман. Рақибимизнинг асосий қуролларидан бири стандарт вазиятлардан унумли фойдалана олиши эди. Афсуски, бу ўйинда ҳам улар бундан унумли фойдаланишди. Умуман "Олмалиқ"нинг таркибида анчагина тажрибали ва кучли футболчилар жамланган. Бу ҳам ўз сўзини айтди.