Октябрь ойида фақат Баҳрайнга қарши ўйнаймиз
28 сен 2015 10:43
Янгиликлар

Октябрь ойида фақат Баҳрайнга қарши ўйнаймиз

Хабарингиз бор, терма жамоалар маркази октябрь ойидан ўрин олган ФИФА кунларига ўртоқлик учрашувига рақиб қидираётган эди.

Мазкур учрашув 12 октябрь куни БААда ўтказилиши кўзда тутилган эди. Рақиблар сифатида марказ вакиллари Янги Зеландия, Тунис ва Камерун билан музокара олиб бораётган эди. Афтидан бу сафарги уринишлар ҳам бесамар бўлди.

Камерун терма жамоаси 11 октябрь куни Нигерия билан, 16 октябрь куни Конго билан ўртоқлик учрашуви ўтказишга келишган.

Тунис 9 октябрда Габон, 19 октябрь куни Ливияга қарши ўртоқлик учрашуви ўтказадиган бўлди. Янги Зеландия эса навбатдаги ўртоқлик учрашувини 17 ноябрь куни Ливанга қарши ўтказади.