UZ

Сўнгги янгиликлар

09:04Суперлига 4-тур. "Қалдирғочлар" парвози давом этадими? "Андижон" биринчи ғалабасига яқин, водий дербиси ва бошқа ўйинларга тахминлар  0 09:03«Реал» «Манчестер Сити» етакчиларидан бирини сотиб олмоқчи  0 08:31Кевин де Брюйне дунёнинг энг бой жамоаларидан бирига ўтиши мумкин  3 08:02Ислом Исмоилов:«Иккинчи таймда бир қатор ўзгаришларга қўл уриб, камчиликларни бартараф этишга ҳаракат қилдик»  0 07:35Суперлига. Бугун 4-турга старт берилади  2 02:05АПЛ. "Челси" "Тоттенхэм"ни кичик ҳисобда мағлуб қилди  1 01:29Жоан Лапорта: "Барселона"даги ҳамма ҳамма учун курашади"  5 00:50Бразилия термаси бош мураббийлиги учун яна бир номзод бор, у 71 ёшда  2 00:16U-17 Осиё Кубоги. Гуруҳимиздаги иккинчи ўйин якунланди  0 23:46"Манчестер Юнайтед" Амир Ибрагимов билан шартнома имзолади  5 23:18ESPN 21 ёшгача бўлган энг яхши футболчилар рейтингини тузди, Абдуқодир Ҳусанов ҳам эътироф қилинди  6 22:46"Борнмут" футболчиси АПЛнинг топ-клублари қизиқишлари доирасида  3 22:13Мирко Еличич "Локомотив" билан ўйиндан сўнг: "Икки ой шуғулланасан ва бир маротаба ҳам табиий майдонда футбол ўйнай олмайсан..."  2 21:53U-17 Осиё кубоги. Ўзбекистон мусобақани йирик ғалаба билан бошлади  39 20:51Григорий Колосовский: "Ғалаба қозондик, лекин ўйин сифатидан умуман қониқмадим"  1

ОФК Кубоги-2022. "Хўжанд" устози: "Ижобий натижага эришишимиз керак, чунки бу клуб ва мамлакат футболи ривожи учун муҳим" Янгиликлар

ОФК Кубоги-2022. "Хўжанд" устози: "Ижобий натижага эришишимиз керак, чунки бу клуб ва мамлакат футболи ривожи учун муҳим"

ОФК Кубоги Марказий минтақа финали доирасидаги "Хўжанд" – "Сўғдиёна" учрашувидан олдинги матбуот анжуманида мезбонлар бош мураббийи Рустам Хўжаев ва россиялик легионер Сергей Цканьян қатнашди.

"Ҳаммага салом. Эртанги ўйин бўйича гапирадиган бўлсак, рақибимиз "Сўғдиёна" ўйинини ўрганиб чиқдик. Аммо биз ўз ўйинимиз ва тайёргарлигимизга эътибор қаратамиз. Тайёргарлигимизга яраша ўйин кўрсатамиз деган умиддаман. Ўйлайманки, мухлисларимизни хурсанд қила оламиз.

"Сўғдиёна"нинг даражаси олдин гуруҳ босқичида тўқнаш келган клубларимиздан юқори. Қайтараман, биз рақибни яхши биламиз ва тайёргарликка катта эътибор қаратдик. Ёзги трансфер ойнасида Элчибек Рашидбеков, Сергей Гаранжа ва бошқа ёш футболчилар орқали таркибимизни кучайтирдик. Ўйлайманки, мавжуд футболчиларимиз учрашувга тайёр. Жиззах клубига қарши ўйинимиз ҳаммасини кўрсатиб беради", – деди Хўжаев. 

"Мураббийлар штаби "Сўғдиёна" жамоасининг ўйинларини бизга кўрсатишди. Рақиб жиддий ва ўйинни яхши шаклланган. Биз уларни ҳурмат қиламиз, лекин қўрқмаймиз", – деди Цканьян.

- Мураббийга савол. "Хўжанд" жамоаси охирги 2 та ўйинда мағлуб бўлди. Жамоа эртанги баҳсга қанчалик тайёр?

- Ҳа, биз сўнгги 2 та ўйинда мағлубиятга учрадик. Бири кубокда, бири чемпионатда рўй берди. Жамоамиз тайёр ҳолатда деб ўйлайман. Эртага майдонда жанг таклиф қиламиз. 

- Мураббийга савол. "Сўғдиёна"нинг кучли ва кучсиз томонлари ҳақида нима дея оласиз?

- Ҳозир бу ҳақда гапира олмаймиз. Буни футболчиларимизга тушунтирганмиз. Муҳими, улар буни қабул қилганликлари, кўрсатмаларимизни тўғри бажаришлари.  

Уларда тажрибали ва ёш футболчилар талайгина. Жамоа ўзига яраша ўйин услубига эга. 

- Футболчига савол. Сиз жамоага бу йил келиб қўшилдингиз. Мослашув жараёни қандай кечмоқда? Яна бўлажак учрашув ҳақида қандай фикрдасиз? 

- Осиёга илк марта келдим. Бу мен учун янги тажриба майдони. Жамоага тез қўшилиб кетдим. Менталитетингиз Россия жанубидаги каби. Тожикистонлик инсонлар меҳмондўст, мени яхши кутиб олишди. 

Ўйин ҳақида кўп нарсани гапириш мумкин, лекин ҳаммасини эртага натижадан билиб оламиз.

- Мураббийга савол. Мухлислардан нималарни кутяпсиз?

- Мухлислар стадионга келиб, бизни қўллаб-қувватлашларини хоҳлаймиз. Биз улар учун ўйнаймиз. Ўйингоҳни тўлдириб, 12-ўйинчи бўлиб қўллаб туришса, ўйлайманки, бу натижани қўлга киритишимизда бизга қўл келади. 

- Сиз учун натижани қўлга киритиш муҳимми ёки мамлакатларимиз ўртасидаги дўстона муносабатларми? (тожикистонлик журналист қиз саволи) 

- Албатта, дўстлик – бу дўстлик. Бироқ бизни ОФК Кубоги плей-офф баҳси кутмоқда. Ижобий натижага эришишимиз керак, чунки бу клуб ва мамлакат футболи ривожи учун муҳим.

Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика