Улардан бири - эртага бўлиб ўтадиган Жанубий Корея - Ўзбекистон баҳсини бошқариб борадиган саудиялик Фаҳад Ал Мирдаси.
Тақдирлашдан мақсад, бу ҳакамлар Янги Зеландияда ўтказилган U-20 жаҳон чемпионатида ўйинларни яхши бошқаришди. Бу эса ОФКнинг эътиборидан четда қолмади. Айниқса, ушбу ҳакамларнинг жаҳон чемпионати финалини бошқаришгани ОФК раҳбарлари эътирофига сазовор бўлди. Эсингизда бўлса, финал учрашувида Сербия Бразилияни 2:1 ҳисобида енгиб, жаҳон чемпиони бўлганди.
30 ёшли Фаҳад Ал Мирдаси Осиё Кубогининг финал ўйинида захира ҳаками вазифасини бажарган, қолаверса ўша мусобақада Уммон - Қувайт ва Иордания - Ироқ баҳсларини бошқарган. Бундан ташқари, ўтган йилги Осиё чемпионлар лигасининг бешта ўйинида ишлаган. ОФК президенти Шайх Салмон саудиялик ҳакамга "Жаҳон савиясидаги ёш ҳакамларимиздан бири" деган таърифни берди.
