Одил Аҳмедов: "Голимни акамга бағишладим"

"Янги жамоам ўйинига тезда киришиб кетганимдан хурсандман. Кечаги баҳсда жамоамизнинг иккинчи голини урдим ва уни бугун туғилган кунини нишонлаётган акам, Ёқубжон Аҳмедовга бағишладим. Ўйинга келадиган бўлсам, рақибдан бир калла устун эканлигимизни кўрсата олдик. "Калев"га қарши иккинчи ўйинни асосий таркибда бошламаганим сабаби, мураббийимиз бироз дам беришга қарор қилганди. Футболда ҳамма нарса бўлишини инобатга олган ҳолда кейинги ўйинга ҳам жиддий тайёргарлик кўришимиз керак, токи гуруҳ босқичига чиқмагунимизга қадар", - дейди Аҳмедов.

3 август куни "Краснодар" Россия премьер лигасининг биринчи турида "Локомотив" меҳмони бўлади. Бу ўйин ҳақида футболчимиз қисқача фикр билдирди:
- "Локомотив" анча шакилланган жамоа. Уларга қарши ўйнаш доим қийин бўлган. Аммо биз ҳам яхши жамоамиз ва чемпионатни ғалаба билан бошлашни мақсад қилганмиз.