ОЧЛ: "Локомотив"нинг кечаги ғалабаси ва гуруҳдаги вазият ҳақида
05 мар 2019 15:30
Янгиликлар

ОЧЛ: "Локомотив"нинг кечаги ғалабаси ва гуруҳдаги вазият ҳақида

Теглар : ОЧЛ "Локомотив"Осиё Чемпионлар Лигаси

Осиё Чемпионлар лигасининг 2019 йилги мавсум гуруҳ босқичи ўйинларига кеча старт берилди.

Унда дастлабки кунги баҳсларда вакилларимиздан "Локомотив" ишга киришди. Худди ўтган йилги каби "темирйўлчилар" илк турни ўз уйида, эски таниш рақиб бўлган "Ал Ваҳда"га қарши ўйин билан бошлашди. Учрашув аввалида ва баҳс сўнггида Темурхўжа Абдухолиқов ҳамда Ислом Тўхтахўжаев томонидан киритилган голлар ғалабани мустаҳкамлади.

Локомотив Ташкент

Темурхуджа Абдухаликов - 5', Islom Tuhtahujaev - 90'

Лига чемпионов АФК. Группа B . 1-тур

04/03/2019, 16:00

Тугади

Аль-Вехда

45'

90'

Матч-центрда очиш

"Гарчи ўйин финишига яқин жараён бироз таранглашиб, асаблар ўйнаган бўлсада, "Ал Ваҳда" хоҳ Тошкентда, хоҳ Абу Дабида бўлсин биз учун жиддий рақиб эмаслиги кўринди. Аслида кечаги ўйин ҳам ўтган йилги стартдек йирик ҳисобдаги ғалабага айланиши мумкин эди. Бироқ хавфли вазиятлардан фойдаланиш борасидаги муаммо бунга йўл қўймади. Мавсум старти ва жамоа ҳали тўлиқ ўйинга киришиб кетмагани ҳам ўз таъсирини кўрсатди. Қуръадан кейиноқ "Локо"га нисбатан анча осон гуруҳ тушгани маълум бўлганди. Кеча бу яна бир бор ўз исботини топди. "Локомотив" мазкур гуруҳдан бемалол чиқиши шарт.

Жавоҳир Илёсов ОЧЛдаги дебютини яхши бошлади. Ҳошимов ҳам анча фаол ва ишончли ўйнади. Энг фаол ўйнаган шубҳасиз Темурхўжа Абдухолиқов бўлди. Сардор Мирзаев эса ҳозирги "Локомотив"нинг ҳақиқий етакчиси ва асосий футболчиси, менимча. Жокич эса майдон марказида жамоа ўйинини бир меъёрда ушлаб туришда муҳим ўйинчи. Ислом Тўхтахўжаевнинг кечаги шедевр голи эса ўйинга чиройли "нуқта" қўйди", - деб ёзади Шаҳбоз Беғамов ўзининг телеграм каналида.

Гуруҳдаги иккинчи баҳсда "Ал Иттиҳод" Саудия Арабистонида Қатарнинг "Ар Райян" жамоасини 5:1 ҳисобида тор-мор келтирди. Баҳс аввалида ўйиндаги ҳисоб меҳмонлар "Ар Райян" томонидан очилди. Жавобан эса саудияликлар қатарликлар дарвозасига бешта гол йўллашди.

Аль-Иттихад

Фахад Аль-Муваллад - 45', Abdulaziz Al-Aryani - 45', Зияд Аль-Муваллад - 48', Abdulrahman Al Ghamdi - 70', Фахад Аль-Муваллад - 78'

Лига чемпионов АФК. Группа B . 1-тур

04/03/2019, 22:35

Тугади

Аль-Раян

Gonzalo Viera Davyt - 23'

45'

90'

Матч-центрда очиш

Қайд этиш керакки, мазкур аламли ва шармандали мағлубиятдан кейин "Ар Райян" бош мураббийи Бюлент Туйгун истеъфога чиқарилди.

Айни пайтда биринчи турдан кейин "B" гуруҳида "Ал Иттиҳод" тўплар нисбатига кўра пешқадамлик қилмоқда. "Локо" ҳисобида ҳам 3 очко мавжуд ва улар иккинчи қатордан жойлашишди. "Ал Ваҳда" ва "Ар Райян" эса биринчи турдан кейин расман аутсайдер мақомида турнир жадвалининг пастки қисмидан ўрин олишди.

Келаси тур кейинги ҳафта ўтказилади. Унда аутсайдерлар ўз майдонида гуруҳ фаворитларини қабул қилишади: "Ал Ваҳда" ўз уйида "Ал Иттиҳод"ни меҳмон қилса, "Локомотив" бош мураббийсиз қолган "Ар Райян" томон сафар қилади.

Аль-Раян

Лукка - 38', Гельмин Ривас - 58'

Лига чемпионов АФК. Группа B . 2-тур

11/03/2019, 20:35

Тугади

Локомотив Ташкент

Diyor Turopov - 4'

45'

90'

Матч-центрда очиш

Аль-Вехда

Mohammed Al Menhali - 16', Леонардо - 52', Исмаил Матар - 80', Леонардо - 90'

Лига чемпионов АФК. Группа B . 2-тур

11/03/2019, 20:00

Тугади

Аль-Иттихад

Нассер Аль-Шамрани - 56'

45'

90'

Матч-центрда очиш

Маълумот ўрнида: Таниқли мутахассис Алишер Никимбаев кечаги "Локо"нинг ғалабасидан сўнг ўзининг телеграм каналида ўзбек жамоаларининг ОЧЛдаги ғалабалари сони қанча бўлганини эслади. Унга кўра, кечаги ғалаба "Локо"нинг ОЧЛдаги 8-ғалабаси сифатида тарихдан ўрин олди. "Насаф" ҳисобида ҳам шунча ғалаба мавжуд. Энг кўп ғалаба эса "Пахтакор"га тегишли - 41. "Бунёдкор" ҳисобидаги ғалабалар сони эса 27тани ташкил қилади. ОЧЛдаги аввалги мунатазам иштирокчимиз "Нефтчи" эса ОЧЛда жами 9 маротаба ғалаба таъмини татиб кўрган. "Машъал"да 2та, АГМКда 1 ғалаба бор.

Ҳавола :

Манба : championat.asia

Янгиликларни Телеграмда ўқинг!

Рейтинг: +15