ОЧЛ. Бугун 4-турнинг тўртта ўйини ўтказилади

Кун тартибидан тўртта ўйин олган. Бугун "В" ва "D" гуруҳларида навбатдаги тур учрашувлари ўтказилади. Баҳсларни "Локомотив" бошлаб беради. "Темирйўлчилар" ТТЗдаги стадионда Қатарнинг "Ал Дуҳайл" клубини қабул қилишади. Албатта, бизнинг эътибор биринчи галда "Локо" иштирокидаги баҳсга қаратилади. Чунки бу ўйин охирги имконият ҳисобланади.

"B" гуруҳи
17:00. "Локомотив" - "Ал Дуҳайл"
20:00. "Ал Ваҳда" - "Зобаҳан"

Гуруҳдаги вазият: "Ал Дуҳайл" бунгача ўтказилган учта ўйиннинг ҳаммасини ғалаба билан якунлади. Жамоа 9 очко билан биринчи ўринда боряпти. Иккинчи ўриндаги "Зобаҳан" ҳисобида 6 очко бор. "Локомотив" эса 3 очко билан 3-ўринни эгаллаб турибди. Гуруҳ аутсайдери "Ал Ваҳда" ҳозирча барча ўйинларни ютқазган.

"D" гуруҳи
20:15. "Ал Райан" - "Ал Ҳилол"
20:30. "Истиқлол" - "Ал Айн"

Гуруҳдаги вазият: Ушбу гуруҳда мураккаб вазият юзага келган. "Истиқлол" 5 очко билан пешқадамлик қилмоқда. "Ал Райан" билан "Ал Айн" ҳисобида уч очкодан бор. Саудия Арабистонининг "Ал Ҳилол" клуби эса икки очко тўплаган ҳолда кутилмаганда охирги ўринда боряпти.