ОЧЛ. Алиризо Бейранванд - биринчи ярим финалнинг энг яхши футболчиси

Мусобақанинг ярим финалида Доҳанинг "Ал Садд" клубига қарши баҳс олиб борган "Персеполис" сафарда 1:0 ҳисобида зафар қучди. Учрашувнинг охирларида Али Алипур томонидан киритилган гол меҳмонларга кичик ҳисобдаги ютуқни тақдим этди. "Персеполис" дарвозабони Алиризо Бейранванд ОФК сайти томонидан ярим финал дастлабки учрашувларининг энг яхши футболчиси деб топилди. У ўйин пайтида 6 бор сейв қилди, учта дуэлда ғолиб чиқди ва 25 марта тўпни шерикларига аниқ етказиб берди.

Бу борада иккинчи ўрин "Сувон Самсунг" ҳужумчиси Деян Дамьяновичга насиб этди. Унинг жамоаси "Кашима Антлерс" билан кечган баҳсда 3:2 ҳисобида ғалаба қозонди. Дамьянович бу жамоа дарвозасига битта гол уришга муваффақ бўлди. Бу ҳужумчи ОЧЛда жами 35та гол урган. Учинчи ўринга эса "Кашима" ҳужумчиси Сержиньо лойиқ кўрилди.