ОЧЛ-2021. Ўз тарихида илк бор гуруҳда ўйнайдиган АГМК тақвими билан танишинг

Сафарда "Ал Гарафа"ни 1:0 ҳисобида мағлуб этиб қайтган АГМК "A" гуруҳига тўртинчи жамоа бўлиб қўшилди. Гуруҳ учрашувлари 15-30 апрель оралиғида Саудия Арабистони пойтахти Ар Риёдда бўлиб ўтади. 

"А" гуруҳи (мезбон шаҳар - Ар Риёд):

"Ал Ҳилол" (Саудия Арабистони)

"Шабаб Ал Аҳли" (БАА)

"Истиқлол" (Тожикистон)

АГМК (Ўзбекистон)

Гуруҳ тақвими қуйидагича кўриниш олган:

1-тур. 15 апрель. "Шаҳзода Файсал бин Фаҳд стадиони"

00:00. "Ал-Ҳилол" – АГМК

2-тур. 18 апрель. "Қирол Фаҳд Халқаро стадиони"

00:00. АГМК – "Истиқлол"

3-тур. 21 апрель. "Қирол Фаҳд Халқаро стадиони"

00:00. АГМК – "Шабаб Ал Аҳли"

4-тур. 24 апрель. "Қирол Фаҳд Халқаро стадиони"

00:00. "Шабаб Ал Аҳли" – АГМК

5-тур. 27 апрель. "Шаҳзода Файсал бин Фаҳд стадиони"

00:00. АГМК – "Ал-Ҳилол"

6-тур. 30 апрель. "Қирол Фаҳд Халқаро стадиони"

00:00. "Истиқлол" – АГМК

Изоҳ: Гуруҳдаги барча ўйинлар Тошкент вақти билан 00:00да старт олади.

Кўриб турганиздек, АГМК илк турдаёқ Осиёнинг энг кучли клубларидан бирига тўқнаш келади. "Ал Ҳилол" ҳақида ортиқча гапиришга ҳожат бўлмаса керак. АГМК 6та ўйиндан тўрттасини  "Қирол Фаҳд Халқаро стадиони"да ўтказади. Фақат "Ал Ҳилол" билан бўладиган учрашувлар "Шаҳзода Файсал бин Фаҳд стадиони"да ташкил этилади. 

"Ал Ҳилол" 2019 йил ОЧЛда зафар қучган, "Шабаб Ал Аҳли" эса 2015 йилги мусобақа финалчиси ҳисобланади. Гуруҳда иккита дебютант бор: АГМК ва "Истиқлол". Гуруҳ баҳслари иккита стадионда ташкил этилади: "Қирол Фаҳд Халқаро стадиони" ва "Шаҳзода Файсал бин Фаҳд стадиони". 

"Қирол Фаҳд Халқаро стадиони" - 1987 йилда барпо этилган бўлиб, Саудия Арабистонидаги энг катта стадион ҳисобланади. Миллий терма жамоа аксар ҳолларда уй ўйинларини шу ерда ўтказади. Стадион сиғими 67,000 мухлисга мўлжалланган. Мазкур ўйингоҳда 1997 йил Конфедерациялар Кубоги ўтказилган. Шунингдек, 2014 ва 2017 йилларда ОЧЛ финалига мезбонлик қилган.

"Шаҳзода Файсал бин Фаҳд стадиони" - Ар Риёднинг Ал Малаз туманида жойлашган. Бу стадион 1971 йил очилган. 1972 йилги Кўрфаз Кубоги баҳслари мана шу ерда ўтказилган. "Ал Ҳилол", "Ал Насср" ва "Ал Шабаб" клублари уй учрашувларини кўпинча шу ўйингоҳда ўтказиб келади.