Нойер: “Бавария”- “ПСЖ” баҳси бу шунчаки “бомба”

Мюнхенликлар “В” гуруҳида “ПСЖ”, “Андерлехт” ва “Селтик” билан кураш олиб боришади.

“Қуръа ажойиб вазиятни тақдим этди. “ПСЖ” билан бўладиган ўйинимиз бу шунчаки “бомба”. Мен илгари ҳеч қачон бу жамоага қарши майдонга тушмаганман ва бу ўйинни сабрсизлик билан кутаман. “Селтик”  билан ҳам илк бор учрашаман. “Селтик Парк” стадионидаги атмосфера барчага маълум. “Андерлехт” –ноқулай рақиб. Шу сабаб уларнинг имкониятларини паст баҳоламаслик лозим. Улар ҳар мана-ман деган катта клубларни ҳам хафа қилиб қўйишлари мумкин. Биз бу каби ҳолатларга тайёр бўлишимиз лозим”, дея Нойеринг сўзларидан иқтибос келтирмоқда “Бавария” клуби расмий сайти.