"China Cup-2019" мусобақаси олдидан Тошкентда Ўзбекистон миллий терма жамоаси бош мураббийи Эктор Купер билан матбуот анжумани ташкил қилинади. Мазкур матбуот анжумани давомида бош мураббий мусобақага жалб қилинган футболчилар рўйхатини эълон қилиши режалаштирилган, - деб ёзади ЎФА расмий сайти.
Эслатиб ўтамиз, январь ойида БААда ўтган Осиё Кубогидан сўнг Эктор Купер ҳозиргача матбуот анжуманида иштирок этмаган эди.
