Невилл: "Ньюкасл"нинг голи ҳисобланиши тўғри бўлди"

"Ньюкасл" АПЛнинг 11-турида "Арсенал"ни 1:0 ҳисобида мағлуб қилди. Учрашувдаги ягона голни Энтони Гордон киритди, голли пас эса Жоэлинтон ҳисобига ёзилди.

Бразилиялик футболчи дарвозабон майдончаси ичида тўп учун курашда Габриэль Магальяэсни итариб йиқитди, ундан ташқари, тўп майдон чизиғидан чиқиб кетган бўлиши мумкин ҳам эди. ВАР ушбу ҳолатда "Ньюкасл" ҳужумида оффсайд бўлмаганини тасдиқлаб берди.

Учрашувнинг бош ҳаками Стюарт Эттуэлл эди. ВАРга эса Энди Мэдли жавоб берди.

"Ньюкасл"нинг голидаги қарор тўғри бўлди деб ҳисоблайман. Тўпнинг майдондан чиқиб кетгани мен учун ҳам шубҳали ҳолат бўлди. Агарда ВАР оффсайд бўлмаганини тасдиқлаган бўлса, қарор ўз кучида қолади.

Жоэлинтон олдинга қараб интилди ва шу сабабли оёғини орқага ортди. У фол қилмасликка ҳаракат қилди", - деб ёзади Невилл ўз твиттерида.