UZ

Сўнгги янгиликлар

14:25"Манчестер Сити" футболчиси Қозоғистон билан ўйиндан сўнг Дастан Сатпаевни мақтади  0 13:58"Бу Эрон терма жамоасида "олтин авлод"нинг охирги даври бўлиши мумкин" — эронлик журналист  2 13:32Эрон ҳамда Ўзбекистон ўртасидаги финални ким бошқариб боради?  5 13:12Ямаль Туркияда паспортини йўқотди  5 12:56Осиёнинг 2007 йилдаги энг яхши мураббийи Рауф Инилеев 75 ёшда!  3 12:35ФИФА офсайднинг янги қоидасини тасдиқлади  18 12:06Моуринью "Фенербахче"дан ишдан бўшатилишининг асл сабаби маълум  1 11:39Ўзбекистон U-16 терма жамоаси Миллий футбол марказида йиғин бошлади: олдинда Черногория ва Венгрия билан ўйинлар бор  7 11:00"Милан" футболчиси фаолиятини Саудия Арабистонида давом эттиради  0 10:31Холанд автобусдан тушаётганда жароҳат олди  5 10:05Уругвай терма жамоаси аъзоси "Неом"га ўтмоқда  1 09:37Гвардиола "Ман Сити"дан қайси футболчининг кетганидан афсусда эканлигини айтди  1 09:12Лига "Локомотив" стадионидаги қурилиш ишлари билан танишди  0 08:41Эржан Токотаев: “Ўзимни анча яхши ҳис қиляпман”  2 08:08Бугун финал!  12

Неъматулло Қуттибоев: "Айрим чизиқларни кучайтиришимиз керак" Янгиликлар

Неъматулло Қуттибоев: "Айрим чизиқларни кучайтиришимиз керак"

Қорақалпоқ футболининг ҳақиқий ёрқин намоёндаси Неъматулло Қуттибоевнинг футболчилик фаолиятини кўпчилик мухлислар яхши хотиралар билан эслайди.
Илгари ҳужум чизиғида тўп сурган Қуттибоев бугунги кунда мураббийлик соҳасида фаолият олиб бормоқда. Аниқроғи биринчи лига иштирокчиси Нукуснинг "Орол" жамоасига устозлик қилиб келаётган мураббий бугун сайтимизга жамоасининг давралар оралиғидаги йиғини ва келгуси режалар тўғрисида қисқача интервью берди.

- Неъматулло ака, хабарингиз бўлса керак, бугунги кунда биринчи лига жамоаларининг аксарияти иккинчи босқич ўйинларига тайёргарликни бошлаб юборган. Сайтимиз орқали имкон қадар ҳар бир жамоа тўғрисидаги янгиликларни бериб боришга интилмоқдамиз. Шу ўринда бошқарувингиздаги "Орол" хусусидаги янгиликларни билиб олсак фойдадан холи бўлмасди.
- Ҳа, айни пайтда кўплаб клубларни йиғин ўтказишаётганини биламан. Лекин жамоамиз ҳозирча тайёргарликни бошламади. Шу боис сизга бирорта янгилик айтишим қийин.

- Иккинчи босқич стартига оз фурсат қолган бўлсада, "Орол"нинг ҳануз тайёргарликка киришмаганини қандай тушуниш мумкин?
- Бу биринчи навбатда молиявий жиҳатга боғлиқдир. Агар имконимиз бўлганида, йиғинга эртароқ киришардик. Клубда моддий муаммолар юзага келган.

- Тан олиш керак, бугунги кунда биринчи лиганинг кўплаб жамоаларида футболчилар билан боғлиқ қарздорлик мавжуд. Айтингчи, "Орол" ўз футболчиларидан нечта ойлик қарздорлиги бор?
- Тўғриси, бу ҳақда бирор нима дея олмайман. Яхшиси бошқа саволга ўта қолайлик...

- Унда айтингчи, жамоа энди машғулотларга қачондан киришадиган бўлмоқда?
- Шу кунларда муаммо бартараф этилишига умид қилмоқдамиз. Насиб бўлса бугун-эрта футболчиларни йиғамиз.

- Жамоани тарк этган футболчилар бўлса керак?

- Ҳозирча биргина ҳимоячи Темур Турдиев сафимизни тарк этди. Қолган ўйинчилар менга кетиш тўғрисида ҳеч нима демади.

- Иккинчи босқичда кураш қизғин ва шу билан бирга мураккаб кечади. Айтингчи, қайси чизиқларни кучайтиришни режангизга киритгансиз?

- Албатта, иккинчи даврага қадар таркибга янги футболчиларни жалб этишимиз керак. Биринчи навбатда дарвозабон олишимиз шарт. Кейин яна айрим позициялардаги рақобатни ҳам оширсак мақсадга мувофиқ бўларди.


Исломбек Рустамбеков суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика