“Навбаҳор”нинг собиқ массажчиси “Спартак” мураббийи бўлди
10 июн 2018 10:52
Янгиликлар

“Навбаҳор”нинг собиқ массажчиси “Спартак” мураббийи бўлди

Москванинг «Спартак-2» жамоасининг жисмоний тайёргарлик бўйича мутахассиси Рамиль Шарипов асосий жамоанинг мураббийлар штабидан жой олди.

У энди “Спартак” клубида италиялик мутахассис Массимо Каррерага ёрдам беради. Москваликлар Рамиль Шарипов билан 2019 йилнинг 31 майигача шартнома имзолашди. Бу ҳақда “Спартак” расмий сайти хабар берди.

Бундан олдин ушбу мутахассис Қозоннинг “Рубин” клубида шундай лавозимда фаолият юритганди.

Эътиборлиси, Рамиль Шарипов 1980 йилнинг 13 июлида Наманган шаҳрида туғилган. Ёшлигида енгил атлетика спорт тури билан шуғулланган. Кейинчалик 1998 – 2003 йиллари Наманганнинг “Навбаҳор” клубида массажчи сифатида фаолият юритган. Сўнгра фаолиятини Россияда давом эттирган. Янги фаолиятида ҳамшаҳримизга омад ёр бўлишини тилаймиз.

Ҳавола :

Манба : "Навбаҳор" матбуот хизмати

Янгиликларни Телеграмда ўқинг!

Рейтинг: +30