"Навбаҳор": Ёшларимизда яна дуранг

Фарғонада “Нефтчи” ёшлари билан баҳс юритган футболчиларимиз якунда дуранг қайд этишди. Учрашувнинг биринчи бўлимида Нодирбек Мавлонов рақиб дарвозасига белгиланган пенальтини аниқ амалга ошириб, ҳисобни очганди. 20-дақиқада мезбонларда ҳам пенальти тепиш имкони юзага келди. Хуршид Асқаралиев томонидан амалга оширилган жарима зарбасидан кейин дарвозабонимиз Алибек Туробов тўпни қайтариб, ҳисобни тенглашишига имкон бермади. Биринчи бўлим ёшларимизнинг кичик устунлигида якун топди.

Иккинчи бўлимда футболчиларимизда ғалабани мустаҳкамлаш учун бир қатор имкониятлар юзага келганди. Бир сафар Нодирбек Мавлоновнинг олис масофадан йўллаган зарбасидан кейин фарғоналиклар посбони тўпни қийинчилик билан қайтариб қолди. Жамоамиз ҳужум чизиғида ҳаракат қилган Шоҳжаҳон Аббосовда ҳам ҳисобни ўзгартириш учун имкониятлар бўлсада, ҳужумчимиз вазиятлардан самарали тарзда фойдалана олмади. Ўз навбатида “Нефтчи” футболчилари ҳам ўз майдонларида мағлубиятга учрамаслик мақсадида ҳужумкорликка зўр беришди. Ўйин якунланиб бораётган бир паллада иккинчи бўлимда захирадан сафга қўшилган Анвар Абдулхақов дурангни таъминловчи голга муаллифлик қилди. Шу тариқа ёшларимиз 2-турни ҳам дуранг билан якунлаб, очколари сонини иккитага етказиб олишди.

“Нефтчи” – “Навбаҳор” – 1:1 (0:1). Фарғона. “Нефтчи” спорт мажмуаси.
Ҳакамлар: Ж.Мухторов, Қ.Собиров, Х.Мелиқўзиев, Ж.Қосимов.
Назоратчи – С.Нажафалиев.
“Нефтчи”: 30. Сергей Смородин, 2. Сардор Кулматов, 3. Аъзам Холматов, 5. Хусан Ғаниев, 6. Абдуқодир Ортиқов, 8. Ислом Тошпўлатов, 9. Аброр Исмоилов, 10. Хуршид Асқаралиев, 11. Иброҳим Нўъмонов, 15. Хусниддин Ғофуров, 23. Абдураҳмон Абдулхақов.
Захира: 45. Абдусаттор Обидов, 4. Мўминжон Маъмуржонов, 7. Сарвар Абдуллаев, 20. Анвар Абдулхақов, 21. Миржалол Неъматов, 25. Анвар Алижонов, 26. Эломонжон Каримов.
“Навбаҳор”: 23. Алибек Туробов, 4. Қаҳрамон Маҳаммаджонов, 5. Ҳожиакбар Юнусов, 7. Сардорбек Азимов, 8. Боситхон Раҳимов, 11. Дониёр Инамов (6. Акбарали Холдоров), 14. Ғолиббек Каримов, 15. Равшан Асланов, 17. Азизбек Турғунбоев, 19. Шоҳжаҳон Аббосов, 20. Нодирбек Мавлонов (9. Ислом Абдуқодиров).
Захира: 1. Мирзохид Маматхонов, 2. Азиз Умаров, 10. Хусан Ғаниев, 12. Иброҳим Исмоилов, 18. Санжар Тошпўлатов.
Голлар: А.Абдулхақов (90) – Н.Мавлонов (8-пен.).
Амалга оширилмаган пенальти: Х.Асқаралиев (20, дарвозабон).