«Навбаҳор»: «Машъал»га қарши ўйин қолдирилди

Сўнгги кунларда ҳавони кескин равишда совуб кетиши оқибатида томонлар ўзаро келишган ҳолда учрашувни бекор қилишди. Шу билан биргаликда мураббийлар штаби машғулот ўтказиш борасида ҳам шароитларни етарли даражада эмаслиги боис футболчиларга режадагидан бир кун олдин жавоб беришга қарор қилишди. Жамоа аъзолари қисқа муддатлик таътилдан кейин яна Тошкентда тўпланишади. Пойтахтда ташкил этиладиган навбатдаги йиғин пайтида “Навбаҳор” ПФЛ кубогида иштирок этади. Маълумотларга қараганда ПФЛ кубоги старти ҳам об-ҳаво билан боғлиқ сабаблар туфайли режадагидан кўра бир-икки кунга кечиктирилиши мумкин экан.