"Насаф" - "Қўқон-1912" ўйинига доир маълумотлар

"Насаф" ўз майдонида "Қўқон-1912"ни қабул қилади. Мазкур учрашув 20:00да бошланади. Аслида бу ўйин Қўқонда бўлиб ўтиши лозим эди, бироқ "Қўқон-1912" стадиони мавсумга ҳамон тайёр бўлмагани боис баҳс Қаршига кўчирилди. 

Қуйида мазкур беллашувга оид баъзи маълумотларни келтириб ўтамиз. 

"Насаф"

- "Насаф" турнир жадвалида 11 очко билан 8-ўринда боряпти. Жамоа учтадан ўйинда ғалаба ва мағлубият қайд этган. Шунингдек, икки бор дурангга эришди. Тўплар нисбати 12-9.

- "Насаф" ўз майдонида очко йиғиш бўйича 7-ўринда боряпти. "Аждарлар" уйдаги тўртта ўйинда 7 очко тўплашган. 

- "Насаф" кетма-кет учта мағлубиятдан сўнг охирги уч ўйинда ижобий натижа қайд этди. Жамоа икки бор зафар қучиб, бир марта дуранг ўйнади. 

- "Насаф" ўз майдонидаги охирги ўйинида ғалаба қозона олмади. Жамоа "Қизилқум" билан 1:1 ҳисобини қайд этди. 

"Қўқон-1912"

- "Қўқон-1912" ҳамон қуйи ўринларда боряпти. Жамоа 8та ўйинда зўрға 6 очко тўплаган. Тўплар нисбати 8-18. 

- "Қўқон-1912" Суперлига клублар орасида энг кўп гол ўтказган жамоа бўлиб турибди.

- "Қўқон-1912" сафарда очко йиғиш бўйича 4-ўринда, бироқ энг кўп гол ўтказган -15та. 

- Қўқонликлар қаторасига учта ўйиндан бери зафар қуча олишмаяпти. Бу жамоа кетма-кет тўртта ўйинни сафарда ўтказди ва бугун бешинчиси ҳам шундай бўлади. 

- "Қўқон-1912" ягона ғалабасини сафарда қўлга киритган. Бу жамоа "Қизилқум"ни 1:0 ҳисобида енгиб қайтган. 

Охирги 5 учрашув 

2018 йил. "Насаф" - "Қўқон-1912" 1:1

2018 йил. "Насаф" - "Қўқон-1912" 1:0 

2017 йил. "Насаф" - "Қўқон-1912" 3:0 

2016 йил. "Насаф" - "Қўқон-1912" 1:0 

2015 йил. "Насаф" - "Қўқон-1912" 3:0 

Қаршида бўлиб ўтган охирги бешта ўйиннинг тўрттасида "Насаф" ғалаба қозонган. Ва "Насаф" ғалабага эришган ўйинларда жамоа гол ўтказмаган. Фақат охирги учрашув 1:1 ҳисобида якун топган.