Бу ҳақда журналист Фабрицио Рамано ўзининг Твиттердаги саҳифасида маълум қилди.
Манбанинг хабарига кўра, “қизил иблислар” вакиллари 30 ёшли ҳужумчининг агенти билан келишиб олишга умид қилишаяпти. Нигериялик футболчининг маош борасидаги катта талаблари вазиятни бироз чигаллаштираётгани айтилмоқда.
Жорий мавсумда Игало клуби сафида 19 та учрашувда майдонга тушди. Ҳужумчи ҳисобида 10 та гол бор. Футболчининг “Шанхай Шэнхуа” билан шартномаси 2021 йил якунига қадар тузилган. Африкалик чарм тўп устасининг трансфер бозоридаги нархи 6,5 миллион еврони ташкил этади.
