Мухтор Қурбонов: "Таран майдонга тушиб қаҳрамонга айланди"

"Биринчи бўлим бизга оғир кечди. "Навбаҳор" сўнгги 6та ўйиннинг 4тасида ғалабага эришганди. Бизнинг мақсадимиз 10таликка кириш эди. Танаффусда йигитлар билан яхшилаб гаплашиб олдик. 3та гол уриб ғалабага эришдик. Бугунги ғалаба билан "Шўртан" раҳбарларини табриклайман. Сўнгги турни Бекободда "Металлург" меҳмони бўламиз. Бу ўйинда камида бир очко олишни истаймиз. Игорь Таран бугун иккита гол урди, унга катта раҳмат айтаман. У шифохонада 10 кун даволанди ва келиб машғулотларда қатнашиб майдонга тушди. Ўйин қаҳрамонига айланди. Умар Эшмуродов асабийлашиб кетди. Ҳар қандай ҳолатда ҳам майдонда рақиб билан жанжаллашиш керак эмас. Биз у билан жиддий гаплашиб оламиз ва футболчини жазолаймиз. У кейинги турда ўйнамайди, бундан ташқари кейинги мавсумнинг дастлабки турларини ўтказиб юбориши мумкин", - дейди Мухтор Қурбонов.

"Шўртан" матбуот хизмати