Мурод Холмуҳаммедов: ”Гол уриш мақсадим эди”

Narzulla Saydullayev

15 авг 2016, 10:01

Олий лиганинг 18-тур доирасида Жиззахнинг “Сўғдиёна” жамоаси ўз майдонида Наманганнинг “Навбаҳор” клубини қабул қилди ва 2:1 ҳисобида ғалаба қозонди.

Ушбу ўйидан сўнг “Сўғдиёна” ҳимоячиси, биринчи гол муаллифи Мурод Холмуҳаммедов ўз фикрларини билдирди.

- Бизни қийин ўйин кутаётганини билган эдик ва муносиб тарзда тайёргарлик кўрдик. Кўплаб вазиятлардан фойдалана олмадик ва айнан шу ўйинимизни қийинлаштирди. Гол уришни анчадан бери хоҳлаган эдим ва мақсадимга эришдим. Жамоамга фойдам текканидан хурсандман. Ушбу уйинда киритилган голлар давомий бўлсин - дейди Холмуҳаммедов.

Дилдора Холбоева суҳбатлашди