Мойес: "Агар ҳаммасини олдиндан билганимда, "Сандерленд"да ишлашдан бош тортган бўлардим"

Мойес 2016 йилда жамоага келди ва клуб АПЛни тарк этди.

"Бу оғир мавсум бўлди. Кутганимдек эмас. Керакли натижани таъминлай олмадим. Бироқ баъзи енгиллаштирувчи сабаблар бор.

Таркиб АПЛ даражасига мос бўлмаган, жамоа бир неча марта лигани тарк этишга яқин келди. У янгиланишга муҳтож эди, бироқ молиявий имкониятлар бунга йўл қўймади. Бундан ташқари, клуб сотувга қўйилганини билмаганман. Буни икки-уч ойдан сўнг, менга қишда трансферларга пул йўқлигини айтишганида билдим.

Клуб эгаси мен билан бир-икки маротаба суҳбатлашиб, шундай деган: "Эшит, мен клубга 300 млн. фунт сарфладим, етарли". Бироқ буни олдиндан билмагандим, акс ҳолда бу клубда ишлашдан бош тортган бўлардим" - дейди Мойес.