Моуриньюнинг дисквалификация бўйича апелляцияси рад этилди
11 мар 2023 11:33
Янгиликлар
Моуриньюнинг дисквалификация бўйича апелляцияси рад этилди
"Рома" бош мураббийи Жозе Моуринью А Сериядаги икки ўйинлик дисквалификацияси юзасидан топширган арзномаси бўйича рад жавобини олди.
Португалиялик мутахассис "Кремонезе" (1:2) билан учрашувда тўртинчи ҳакам Марко Серрага ташланди. Моуринью Серра уни ҳақорат қилганини ва шунинг учун унинг муносабати ҳакамлар бригадаси аъзосининг провокациясига мутаносиб бўлганини таъкидлади.
Мураббий икки ўйинга дисквалификация қилинди, бироқ бу қарор кейинги ўрганишларга қадар тўхтатилди, шу сабабли Моуринью ўтган дам олиш кунлари "Ювентус" устидан қозонилган ғалабада жамоани бошқаришга муваффақ бўлди.
Бироқ якунда мутахассиснинг икки ўйинлик дисквалификацияси тасдиқланди. Португалиялик мураббий "Рома"нинг "Сассуоло" ва "Лацио"га қарши ўйинларида мураббийлик ўриндиғида ўтирмайди. Шунингдек, у 10 000 евро жарима ҳам тўлайди.
Ўхшаш янгиликлар
championat.asia
Ла Лига. "Реал" ва "Атлетико" ўртасида қизиқарли кечган Мадрид дербиси якунланди
Ла Лига. "Барселона" меҳмонда "Севилья"ни мағлуб этди ва Мадрид жамоаларига максимал яқинлашиб олди
Гвардиола: "Реал" ҳужумини назорат қилиб бўлмайди"
"Манчестер Сити" – "Реал". Тахминий таркиблар
Фикрлар