Моуриньо: "Футболни фақат 11 киши ўйнамайди, буни футболнинг Эйнштейнлари тушунмайди ва мен уларга ачинаман"

Римликлар ушбу мавсумда финалда "Фейеноорд"ни мағлуб этиб, Конференция лигасида ғолиб чиқди.

"Хотиралар абадий қолади, лекин тарихни ўчириб бўлмайди.

Мен ақл бовар қилмайдиган, унутилмас туйғуларни бошдан кечирдим, лекин бир нарса қулоғим остида жаранглайди: "Энди нима бўлади?.." Мавсум бошланишидан аввал барча совринларни қучоқлашни хоҳлардим.

Барча футболчилар: 54 та ўйин ўтказган Руи Патрисиудан тортиб, бир дақиқа ҳам майдонга тушмаган Пьетро Боергача ўз миннатдорчилигимни билдирмоқчиман.

Лекин бу жамоада барча ҳар бир учрашувнинг ҳар бир дақиқаси учун меҳнат қилди. Буни футболнинг Эйнштейнлари тушунмайди ва мен уларга ачинаман.

Футбол бу сиз кўраётган ва кўриб бўлмайдиган ҳодисалардир. 11 киши футбол ўйнайди, бироқ бунинг ортида жуда кўпчилик меҳнат қилади ва бизда бундай кишилар жуда кўп эди.

Ўйинчилар, мураббийлар, тиббиёт ходимлари, таҳлилчилар, буюртмачилар, ошхона ходимлари, оилалар, дўстлар ва бошқалар... Мен барчасидан миннатдорман.

Бир кун келиб мен шаҳарни ва "Рома"ни тарк этаман - бу футбол қонуни. Истардимки, бу клубни кубоклардан ташқари эҳтирос ва муҳаббат абадий бирлаштириб турсин", - деб ёзади "Рома" бош мураббийи.