Миржалол Қосимов Сато Минори ва Дилшод Жўраевни ўзаро таққослади

Кўрсатув бошловчиси ва муаллифи Зафар Имомхўжаевнинг “Бунёдкор”даги япониялик легионер Сато Минори ўзимизнинг Дилшод Жўраевдан нимаси билан устун?” деган саволига Миржалол Қўшоқович қуйидагича жавоб қайтарди.

“Аввало улар икки хил тоифадаги ўйинчилар, - дея айтиб ўтди миллий терма жамоамиз бош мураббийи. - Дилшод кўпроқ таянч ярим ҳимоясида ҳаракат қилса, Сато сал олдинроқда тўп суради ва асосан ҳужумларни ташкил қилишда ёрдам беради. Уларнинг майдондаги вазифаси бир хил эмас”.

Тўғриси, шахсан менга бу савол ёқди. Шу боис жавобни диққат билан эшитишга ҳаракат қилдим. Аммо Миржалол Қосимов Сатонинг Дилшоддан қандай устун томонлари борлиги ва умуман бу ўйинчи ўзбек футболига нимадир бера олиши ҳақида конкрет гап айтмади.

Эслатиб ўтамиз, олий лиганинг биринчи давраси якунларига кўра, Сато Минори атиги тўртта ўйинда майдонга тушди. Дилшод Жўраев эса 12 беллашувда иштирок этиб, битта гол уришга муваффақ бўлди.

Хайрулла Холиқов.