Миржалол Қосимов: "Бугунги баҳс турнинг энг қизиқ ўйини бўлса керак"
09 апр 2023 21:27
Янгиликлар
Миржалол Қосимов: "Бугунги баҳс турнинг энг қизиқ ўйини бўлса керак"
- Учрашув ҳақида
- Ўйин қизиқарли ўтиши кутилганди. Икки жамоа ҳам бир-бирига муносиб. Ўтган йилги ўйинларда ҳам курашларга бой ва очиқ футбол бўлганди. Бунга тайёргарлик кўргандик. Йигитлар яхши ҳаракат қилишди. Қизиқарли ўйин гувоҳи бўлдик. Биринчи бўлимда иккинчи бўлимга қарганда кучлироқ ҳаракат қилдик. Бугунги баҳс турнинг энг қизиқ ўйини бўлса керак. Ўйин мухлисбоп бўлди.
- Бугун ёши катта ўйинчилардан Санжар Турсунов ва Анзур Исмоилов яхши ҳаракат қилди. Уларнинг тажрибаси ҳақида нима дея оласиз?
- Бу футболчиларнинг жамоадаги ўрни муҳим. Бу йиллар давомида йиғиладиган тажриба. Мана, Жасур Ҳасанов ҳам 40 ёшида ўйнаяпти. Бундай ўйинчилар Европада ҳам бор.

- Жамоанинг мақсади қандай?
- Бу савол ҳар ўйинда берилади. Мақсад бўлмаса, ишлашнинг ҳожати йўқ.
- Тунислик легионер Муҳаммад Салим ва ўтган мавсум "Олимпик"да порлаган Элёр Бегимовга етарлича имконият берилмаяпти. Уларнинг ўйинидан қониқмаяпсизми?
- Энг кўп ротация қиладиган мураббий ўзимман. 20 га 20 футбол ўйнайдиган бўлсак, барчани майдонга ташлардим. Чемпионат ҳали анча вақт давом этади, ўйинлар жуда кўп. Вақти келганда, уларга имконият тақдим этилади.
- Жароҳат олган Миржамол Қосимов ва Виталий Денисов қачон сафга қайтади?
- Энди машғулотларга киришди. Қачон жисмонан тайёр бўлса, уларни майдонда кўрасизлар.
Ўхшаш янгиликлар
championat.asia
Элит ОЧЛ. "Насаф" ўз майдонида Ҳамробеков тўп тепаётган "Трактор"га ютқазди
МЛС. Мессининг супер ўйини "Интер Майами"ни ярим финалга олиб чиқди
Винисиус "Реал"дан йилига 30 млн. евро талаб қиляпти, аммо "Реал"...
Ла Лига. "Реал" "Эльче" билан ўйинда қоқилди, аммо биринчи ўринда қолди — "Барселона" билан орадаги фарқ 1 очко
Фикрлар