Миллиардер Рэтклифф МЮни сотиб олиш истагида эканлигини тасдиқлади. Музокаралар кейинги ой бошланади
18 янв 2023 00:46
Янгиликлар

Миллиардер Рэтклифф МЮни сотиб олиш истагида эканлигини тасдиқлади. Музокаралар кейинги ой бошланади

Теглар : Жим Рэтклифф "Манчестер Юнайтед"

Клуб Буюк Британиядаги энг бой инсонлардан бирининг қўлига ўтиши мумкин.

Ineos кимё компанияси эгаси Жим Рэтклифф "Манчестер Юнайтед" клубини сотиб олишга номзодлардан бири эканлигини тасдиқлади. Бизнесменнинг сўзларига кўра, улар аллақачон расман ушбу жараённи бошлашган.

Ҳозирда "Ман Юнайтед"ни сотиб олишга номзод бўлган харидорлар ўз таклифлари билан расман банк орқали рўйхатдан ўтказишлари керак. Рэтклифф бу ишни биринчи бўлиб амалга оширган.

Кейинги ой расман клубнинг сотилиши бўйича савдолар бошланади. Глейзерлар оиласи эса МЮнинг сотувидан тахминан 5 млрд фунт ишлаб олишмоқчи.

Маълумот учун, МЮга Қатар ва Саудия Арабистонидан ҳам таклифлар бўлмоқда. Декабрь ойида Аврам Глейзер Доҳа шаҳрида бўлажак харидорлар билан норасмий учрашувлар ўтказиб қайтганди.

Жим Рэтклифф бошчилик қилаётган Ineos компанияси аллақачон "Ницца" клубини ҳам сотиб олган. МЮ билан боғлиқ савдолар муваффақият билан якунланса, француз клубининг тақдири сўроқ остида қўлади. Сабаби, битта еврокубокларда ўйнайдиган жамоалар бир инсонга тегишли бўлиши мумкин эмас.

Forbes Жим Рэтклиффнинг умумий бойлигини тахминан 16,3 млрд еврога баҳолаган.

Ҳавола :

Манба : The Times

Янгиликларни Телеграмда ўқинг!

Рейтинг: +6