"Милан" клуби келаси ёзда трансферлар учун 100 млн евро сарфлашга тайёр. Клуб бу суммага бир неча футболчиларни сотиб олади. "Милан"нинг дастлабки хариди катта эҳтимол билан "Лилль" ҳимоячиси Свен Ботман бўлади. Бу трансфер учун 25-30 млн евро талаб қилинади. "Милан" "Лилл"нинг яна бир футболчиси Ренату Саншешни ҳам ўз сафига қўшиб олиши кутилмоқда. Ҳужум чизиғига эса миланликлар "Сассуоло" футболчиси Жанлука Скамакка номзодини илгари суришмоқда. Скамакканинг трансфери 40 млн еврога баҳоланмоқда. Бундан ташқари клуб "Ливерпул"дан Дивок Оригини эркин агент сифатида ўз сафига қўшиб олиш ниятида.
