Месси Жаҳон кубогини "Парк де Пренс"га олиб чиқмоқчи, аммо ПСЖ бундан хавотирда
22 дек 2022 11:31
Янгиликлар

Месси Жаҳон кубогини "Парк де Пренс"га олиб чиқмоқчи, аммо ПСЖ бундан хавотирда

Лионель Месси ПСЖнинг навбатдаги уй учрашувида мухлисларга жаҳон кубогини кўрсатмоқчи.

"Goal" хабарига кўра, Аргентина термаси ҳужумчиси клуб раҳбариятидан кубокни мухлисларга кўрсатишга рухсат сўраган. Бироқ клубдагилар бу яхши фикрлигига шубҳа билан қарашмоқда.

Раҳбариятнинг фикрига кўра, Аргентина ЖЧ-2022 финалида айнан Франция термасини мағлуб этгани асосий муаммо ҳисобланади. Бундан ташқари раҳбарлар бу воқеага финалда хет-трик қайд этган Килиан Мбаппе қандай муносабатда бўлишини ҳам билмайди ва бу борада ҳам хавотирда.

Эслатиб ўтамиз, ПСЖ 28 декабрь куни чемпионат доирасида "Страсбур"ни қабул қилади.

Ҳавола :

Манба : Diario Sport

Янгиликларни Телеграмда ўқинг!

Рейтинг: +10