"Машъал": Йилни юқори нотада якунладик

Бугун Тошкентда "Локомотив"га қарши бўлиб ўтган назорат учрашуви билан клуб йилни якунлади. Пойтахт жамоаси йирик ҳисобда мағлуб этилди ва ортда қолган йил клуб тарихига ўзгача саҳифалар билан қолди.

Бугун жамоа йилнинг сўнгги учрашувини ўтказди ва қисқа таътилга чиқди. Энди жамоамиз 5 январь куни Тошкентда йиғилади ва тиббий кўрикдан ўтади.

Умуман олганда "Машъал" мавсумдан қониқди. Миллий чемпионатда бешинчи ўрин, ёшлар лигасида биринчи ўрин, биринчилик баҳсларида еттинчи ўринни банд этган жамоаларимиз  ортда қолган йилда барча учрашувларда муносиб иштирок этди. Ушбу йилда қўлга киритилган ютуқларда жамоада меҳнат қилаётган ҳар бир ҳодимнинг, мураббию - футболчиларнинг ҳиссаси жуда катта. Ўз тарихига эга бўлган "газчилар" жамоаси учун бу йил алоҳида аҳамиятга молик йил бўлди. Клуб ўзининг 30 йиллик катта тарихини байрам сифатида нишонлади.

"Машъал" ПФК якунланган йилдан қониқиш ҳосил қилди ва бунга ўз ҳиссасини қўшган барчага , энг асосийси йил давомида бизни қўллаб-қувватлаб келган мухлисларга ўз минннатдорчилигини билдиради.