"Машъал" футболчилари ўйин қоидалари бўйича семинарда қатнашди

ПФЛ ҳар мавсум аввалида Олий лига клубларига ўйин қоидалари ва ўзгаришлар тўғрисида семинар ташкил этади. "Газчилар" учун ташкиллаштирилган йиғилишни Ўзбекистон ҳакамлар қўмитаси вакили Бобур Ҳайдаров олиб борди. Семинарда ПФЛ вакили ўйин қоидалари бўйича киритилган янги қоидалар ва ўзгаришларни айтиб ўтди. Бу вазиятлар экран орқали таҳлил қилиниб,  мавсум олдидан қоидалар бўйича тушунчалар етказилди. Баҳсли вазиятлар ҳар икки томон қараши билан ўрганилиб,  ФИФА регламенти бўйича баҳоланди. Бу йиғилишда "Машъал"нинг барча футболчи ва мураббийлари иштирок этди.