Марсело: "Тўп "Ювентус" дарвозасига киришни истамади"

"Реал" футболчилари бор кучини ишга солди. Жуда хафамиз. Ўйиннинг охиригача бизни қўллаб турган мухлислардан миннатдорман. Қўлимиздан келган барча ишни қилдик, аммо тўп дарвозага киришни истамади. Бизда голли имкониятлар етарли бўлди.

"Реал" ўзи иштирок этаётган турнирда доимо ғолиб бўлишни хоҳлайди, аммо жамоамиз икки муҳим совриндан айрилди. Примерода ғалаба қозониш жуда қийин вазифа, аммо буни уддаласа бўлади. Мавсум охирида очко йўқотмасликка уриниб кўрамиз. Кўрамиз, бу нимага олиб келар экан.

Анчелотти - ғолиб мураббий. Ҳа, бу мавсум жамоа учун омадли якунланмади, аммо ўйлашимча, Карло қолади, чунки у жуда яхши мутахассис" - дейди Марсело.