Маротта: "Қоғозда "Барселона" кучлироқ, аммо футболни олдиндан айтиб бериб бўлмайди"

"Чемпионлар лигаси финали натижасига кўп нарса боғлиқ. Масалан бугун жуда иссиқ бўлди. Ҳал қилувчи баҳсга жисмоний жиҳатдан тўлиқ тайёр бўлиш керак. "Барселона" ва "Реал" Испания чемпионлиги учун курашишмоқда, бу борада бизга осон бўлиши аниқ. Қоғозда "Барселона" кучлироқ, аммо футболдаги баъзи жиҳатлар жамоаларнинг тарозу палласини босади ва бу омадга боғлиқ. Қуръа бизни "Реал" билан тўқнашишимизни ҳал қилганда, кўпчилик "Ювентус"нинг ғалабасини кутмаган эди. Кўрамиз, "Барселона" билан ўйинда нима бўлар экан" - дейди Маротта.