Мане: "Эквадор ва Қатар бизга очко бериш учун мундиалга чиқмади"
14 окт 2022 17:27
Янгиликлар

Мане: "Эквадор ва Қатар бизга очко бериш учун мундиалга чиқмади"

Сенегал терма жамоаси ҳужумчиси Садио Мане жамоасининг ЖЧ-2022даги имкониятларини баҳолади.

Эслатиб ўтамиз, африкаликлар Қатар, Эквадор ва Нидерландия билан квартетда бир гуруҳдан жой олган.

"Нидерландия Сенегал учун энг хавфли рақибми? Биз уларга ҳурмат билан қарашимиз керак. Нидерландия ФИФА рейтингида яхши ўринда. Улар жуда кучли жамоа ва Жаҳон чемпионатларида ажойиб натижаларни қўлга киритган. Биз гуруҳдаги бошқа жамоаларни камситмаслигимиз лозим.
Албатта, Эквадор ва Қатар бизга очко бериш учун мундиалга чиқмади. Эквадор саралаш босқичини муваффақиятли ўтказди ва Қатар ўз майдонида кучли рақибга айланади. Улар Жаҳон чемпионатида Осиё чемпиони мақоми остида қатнашишади. Гуруҳимиздаги ҳеч қайси жамоани эътиборсиз қолдира олмаймиз. Биз эҳтиёткор бўлишимиз, диққатимизни жамлашимиз ва ўйиндан ўйинга кучайиб боришимиз керак", – деди Мане.

Ҳавола :

Манба : fifa.com

Янгиликларни Телеграмда ўқинг!

Рейтинг: +5