Манчини: “Италия ҳеч қачон Болгарияда ғалабага эришмаган, демак..”

“Шимолий Ирландияга қарши ўйнаган таркибга қараганда бу гал бироз ўзгариш бўлиши аниқ. Айнан кимлар майдонга тушиши ҳақида аниқ фикр айтолмайман. Бу футболчиларнинг ўйин олдидаги ҳолатидан келиб чиқиб танланадиган вазият. Ҳар бир ўйин ўзига хос қийинчликка эга, шу сабаб барча футболчилари бор эътиборларини бир жойга жамлаб, рақибга ҳурмат билан муносабатда бўлишлари керак. Биз бу ерга ғалаба учун келганмиз. Тарихга назар солсак, Италия ҳеч қачон Болгариядан ғалаба билан қайтамаган. Бу шуни англатадики, бу ерда тўп тепиш осонмас.

Шимолий Ирландия билан таққослаганда Болгариянинг жисмоний ҳолати яхшироқ бўлмасада, улар тўп билан муомала қилишда бирмунча яхши кўрсаткичларга эга. Биз Шимолий Ирландияга қарши биринчи бўлимда устунлик қилгандик, кейинчалик эса ўйинни назорат қилишга қийналдик. Биз ўйинни шунчаки назорат қиладиган жамоа эмасмиз. Кўпроқ ҳужумкорликка эътибор қаратамиз ва буни йигитлар тушуниши керак”, дея Манчинининг сўзларидан иқтибос келтирмоқда Football Italia.

Эслатиб ўтамиз, Болгария-Италия учрашуви бугун, 28 март куни Тошкент вақти билан 23:45 да бошланади.