"Манчестер Сити" 50 млн евролик футболчига кўз тикди
07 апр 19:38
Янгиликлар

"Манчестер Сити" 50 млн евролик футболчига кўз тикди

"Манчестер Сити" "Астон Вилла"нинг 22 ёшли ҳужумкор ярим ҳимоячиси, илгари "шаҳарликлар"нинг ёшлар жамоаларида ўйнаган Морган Рожерсга жиддий қизиқиш билдирмоқда.

"TEAMtalk" хабарига кўра, манкунианлар бош мураббийи Хосеп Гвардиола Рожерсни таркибга қўшиб олишга умид қилмоқда. Таъкидланишича, "Манчестер Сити" 22 ёшли футболчининг трансфери учун жуда катта таклиф бериши керак бўлади, чунки "Астон Вилла" ўтган йилнинг ноябрь ойида у билан шартномани узайтирган.

Рожерс ушбу мавсум барча мусобақаларда 44 ўйинда иштирок этиб, 13 та гол урди ва 11 та голли узатма берди.

Футболчининг клуб билан амалдаги шартномаси 2030 йилнинг ёзигача мўлжалланган. Transfermarkt порталида келтирилган маълумотларга кўра, унинг трансфер қиймати 50 млн еврони ташкил этади.

Ҳавола :

Манба : TEAMtalk

Янгиликларни Телеграмда ўқинг!

Рейтинг: -1