Магуайрнинг МЮга ўтаётганини тасдиқловчи яна бир фотофакт пайдо бўлди
30 июл 2019 12:42
Янгиликлар

Магуайрнинг МЮга ўтаётганини тасдиқловчи яна бир фотофакт пайдо бўлди

Ёзги трансфер ойнасида "Лестер" ва Англия терма жамоаси марказий ҳимоячиси Гарри Магуайрнинг қайси клубга ўтиши жуда кўп муҳокама бўлди.

"Тулкилар" жуда катта пул сўраётган футболчига Манчестер шаҳрининг икки жамоаси даъвогарлик қилмоқда.

Бу мавзудаги сўнгги хабарларга кўра, 26 ёшли футболчининг ўзи "Қизил иблислар" сафига ўтмоқчи эканлигини маълум қилган. Аммо, томонлар трансфер суммаси борасида келиша олишмаяпти.

Бироз аввал Магуайрнинг МЮга ўтаётганини тасдиқлаши мумкин бўлган фотофакт тарқалди. Футбол агенти ва "Triple S Sports management" директори ҳисобланган Стивен Бек ўзининг инстаграм саҳифаси тарихига "Манчестер Юнайтед" музейидан расм жойлаган. Гарри Магуайр айнан "Triple S Sports management"нинг мижози ҳисобланади. Бу эса ушбу трансфер якунловчи босқичда эканлигини англатаётгандек.

Бундан ташқари, италиялик таниқли журналист Жанлука Ди Марцио ҳам кеча Магуайрнинг "Юнайтед"га ўтиши деярли ҳал бўлганини, жараён охирги босқичда эканлигини ёзганди.

Маълумот учун, МЮ собиқ аъзоси Уэйн Руни ва айни пайтдаги ёш ўйинчиси Жеймс Гарнер ҳам "Triple S Sports management" мижози ҳисобланишади.