"Локомотив"га қарши жавоб ўйинида Бобомуродов
19 июн 2015 01:07
Янгиликлар

"Локомотив"га қарши жавоб ўйинида Бобомуродов

Ўзбекистон кубоги 1/8 финал босқич жавоб беллашувларига тайинланган ҳакамлар рўйхати маълум бўлди.

Унга кўра, "Локомотив"га қарши 23 июнь (сешанба) куни ўтказиладиган беллашувни навоийлик рефери Рустам Бобомуродов бошқариб боради. Унга қанотларда ҳамшахарлари Руслан Самандаров ва Обид Жумаев кўмаклашса, Темур Тўхтасинов (Андижон) захира ҳаками вазифасини бажаради. Учрашувни назорат қилиш бориш тошкентлик Артём Арутюнов зиммасида.

Таъкидлаш лозимки, Бобомуродов учун бу жорий мавсум "Навбаҳор" иштирокидаги дастлабки беллашув бўлади. Аммо, ушбу ҳакам "темирйўлчилар" қатнашган ўйинда аввал ишлаган. Чемпионат 3- турида Бобомуродов "Сўғдиёна" - "Локомотив" ўйинида ҳакамлик қилган. Унда Вадим Абрамов шогирдлари 1:3 ҳисобида сафарда зафар қозонишган.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: