"Локомотив" ўз тарихидаги энг яхши натижани қайд этди
05 ноя 2016 13:32
Янгиликлар

"Локомотив" ўз тарихидаги энг яхши натижани қайд этди

Тошкентнинг "Локомотив" клуби ушбу мавсумда яна бир рекорд соҳибига айланди.

Андрей Микляев бошчилигидаги "Локомотив" олий лигада 28та ўйинда рақиблари дарвозаси 72 маротаба гол уришди.

Ўтган йили "темирйўлчилар" 30 учрашувда 66 бор рақиблари дарвозасини ишғол этишганди. "Темирйўлчилар" гол уриш бўйича ички чемпионатда ўз тарихларидаги энг яхши натижани жорий мавсумда қайд этишди.

Шунингдек, "Локо" мамлакат чемпионлигини қўлга киритиш учун ҳам жуда яқин турибди. Уларни чемпионликдан атига бир очко ажратиб турибди. Кейинги турда "темирйўлчилар" бир очкони қўлга киритишса ҳам муддатидан аввал чемпионликни расмийлаштиришади.

"Локомотив" ушбу мавсумда барча мусобақаларни қўшиб ҳисоблаганда рақиблари дарвозасига ҳозиргача 99та тўп киритишни уддалаган.

Қизиқ, "Локо"нинг ушбу мавсумдаги юбилей 100-голини ким киритар экан?

Ҳавола :

Манба : championat.asia

Янгиликларни Телеграмда ўқинг!

Рейтинг: +7