"Локомотив" Жавоҳир Сидиқовга қизиқмоқда

Клубларимиз аллақачон таркибни шакллантириш ишларини бошлаб юборишган. Мамлакатимизнинг амалдаги чемпиони "Локомотив" 19 декабрь куни бирйўла учта трансферни эълон қилган эди.

Айни пайтда "темирйўлчилар" "Қўқон-1912" жамоаси ярим ҳимоячиси Жавоҳир Сидиқовга ҳам қизиқиш билдиришмоқда. "Локомотив" қўқонликлар ёқимтойини жамоадан кетган футболчилар ўрнини тўлдириш мақсадида жалб қилмоқчи. Бундан ташқари, чемпионлар "Пахтакор"ни тарк этган Жамшид Искандеровга ҳам қизиқишмоқда. Катта эҳтимол билан тошкентликлар юқоридаги икки марказий ярим ҳимоячининг ҳеч бўлмаганда бири билан шартнома имзолашади.