“Локомотив” Эрон жамоаларига қарши қандай ўйнаган?
18 фев 2018 11:04
Янгиликлар
“Локомотив” Эрон жамоаларига қарши қандай ўйнаган?
"Локомотив” 6-мавсумдирки, қитъамизнинг клублар миқёсидаги энг нуфузли мусобақасида иштирок этиб келмоқда. Дастлабки 2 мавсумда “темирйўлчилар” саралаш босқичида қатнашишган бўлса, 2015 йилдан бошлаб “Локо” гуруҳ босқичидан мусобақага киришмоқда.
Бу йил ҳам “Локомотив” мавсумни БААнинг “Ал Ваҳда” клубига қарши баҳс билан бошлади. 5:0 ҳисобида ғалабага эришган “Локо” шу тариқа Чемпионлар Лигасидаги ўзининг энг йирик ҳисобдаги ғалабасини такрорлади. Энди “Локомотив”ни Эроннинг “Зоб Аҳан” жамоасига қарши сафарда бўладиган учрашув кутиб турибди.
Шу ўринда таъкидлаш жоизки, “Локомотив” ОФК Чемпионлар Лигаси доирасида Эрон жамоаларига қарши 6та беллашув ўтказган. Дастлаб 2015 йилги мавсумда “Фулад” билан тўқнаш келган “Локомотив” уйда 1:1 ҳисобида дуранг ўйнаган. Сафарда эса омад рақибга кулиб боққанди ва эронликлар 1:0 ҳисобида зафар қучишганди.
2016 йилда эса биз билан битта гуруҳдан Эроннинг “Сепаҳон” жамоаси ўрин олганди. Ўшанда “Локо” ҳар икки ўйинда ҳам (1:0 ва 2:0) форс жамоасини мағлуб этишнинг уддасидан чиққанди.
Ўтган мавсумда эса “Локомотив” “Истиқлол” билан тўқнаш келди. Тошкентда ўтган матчда 1:1 ҳисоби қайд этилганди. Эронда эса “Истиқлол”га омад кулиб боқди ва мезбонлар 2:0 ҳисобида зафар қучишганди.

Ўхшаш янгиликлар
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
Криштиану Роналду фаолиятида илк бор Португалия термаси сафида қизил карточка олди
Ўзбекистон Хорватия баҳсининг бошланиш вақти маълум
Ўзбекистон U-23 терма жамоаси мағлубиятга учради
Фикрлар