"Ливерпуль" Фирмино билан шартномани узайтирмоқчи

"Ливерпуль" ҳужумчи Роберто Фирминога "Энфилд"да қолиш муддатини узайтириш учун янги келишув таклиф қилди, чунки унинг амалдаги шартномаси келаси ёзда тугайди. Бу ҳақда "Football Insider" хабар бермоқда.

"Қизиллар" бразилиялик футболчига эскисидан камроқ бўлган сумма – ҳафтасига 180 минг фунт стерлинг атрофидаги маошни таклиф қилмоқда. Бироқ футболчининг шахсий кўрсаткичлари билан боғлиқ бонуслар унга иш ҳақини оширишда ёрдам беради.

31 ёшли Фирмино жорий мавсум "Ливерпуль" сафида 21 та ўйинда майдонга тушиб, 9 та гол урди ва 4 та голли узатмани амалга оширди.