Ла Лига. "Реал" бугун чемпионга айланиши мумкин
16 июл 2020 11:07
Янгиликлар

Ла Лига. "Реал" бугун чемпионга айланиши мумкин

Қизиқарли ва юқори савияда ўтган Ла Лиганинг 2019/20 йилги мавсуми якунланишига ҳам 2 тур қолди.

Бугун Ла Лига 37-тур доирасидаги барча ўйинлар ўтказилади.

"Реал"ни ўз уйидаги осон бўлмаган ўйин кутиб турибди. Зидан шогирдлари ЧЛ йўлланмасидан бебаҳра қолган "Вильярреал"ни ўз уйларида қабул қилишади. Агар ушбу ўйинда "қироллик клуби" ғалаба қозонса, Ла Лиганинг жорий мавсуми якунлашига 1 тур қолганда чемпионликни расмийлаштиради.

"Барселона" эса параллел ўйинда "Камп Ноу"да "Осасуна"ни қабул қилади. Табиийки "Барса" очко йўқотса, "Реал"нинг мағлубияти ҳам чемпионликка эришишига ҳалақит бермайди. Ўйинлар Тошкент вақти билан соат 00:00да бошланади.

Бундан ташқари, 3-ўрин учун интрага ҳам юқори даражада. "Атлетико" қўшимча кўрсаткичлар бўйича "Севилья"ни ортда қолдириб, учликда бормоқда. "Атлетико"нинг қоқилиши "Севилья"га кучли учликка киришига йўл очиши мумкин.

Ла Лига 37-тур доирасидаги барча ўйинлар:

"Эйбар" - "Вальядолид" 21:30

"Мальорка" - "Гранада" 00:00

"Валенсия" - "Эспаньол" 00:00

"Реал Сосьедад" - "Севилья" 00:00

"Реал" - "Вильярреал" 00:00

"Бетис" - "Алавес" 00:00

"Хетафе" - "Атлетико" 00:00

"Сельта" - "Леванте" 00:00

"Барселона" - "Осасуна" 00:00

"Атлетик" - "Леганес" 00:00