Кутилмаган бурилиш: Клопп "Боруссия Д"га қайтиши мумкин
02 май 19:12
Янгиликлар

Кутилмаган бурилиш: Клопп "Боруссия Д"га қайтиши мумкин

"Қора-сариқлар" "Ливерпуль" бош мураббийига келаси ёзда иш таклиф қилишни режалаштирмоқда.

Англиянинг "Ливерпуль" жамоаси бош мураббийи Юрген Клопп Германиянинг "Боруссия" Дортмунд клубига қайтиши мумкин, деб хабар бермоқда "The Independent".

Хабар қилинишича, "сариқ-қоралар" раҳбарияти натижалардан норози ҳамда бош мураббий ва спорт директорини ишдан бўшатишни режалаштирмоқда. Клуб Юрген Клоппнинг қайтиш имкониятини муҳокама қила бошлади ва келаси ёзда унга иш таклиф қилади.

Эслатиб ўтамиз, жорий мавсум якунида "Ливерпул"ни тарк этадиган Юрген Клопп бир йилга танаффус қилишини айтган. У 2008 йилдан 2015 йилгача Дортмунднинг "Боруссия"сида ишлаган ва "сариқ-қоралар" билан икки марта Германия чемпиони бўлган, Германия Кубоги ва Суперкубокни (2 марта) қўлга киритган, "Боруссия"ни Чемпионлар Лигаси финалига олиб чиққан.

Ҳавола :

Манба : The Independent

Янгиликларни Телеграмда ўқинг!

Рейтинг: +17