Ку Жа Чол: "Бизга ушбу 3 очко жуда ҳам керак"

"Аввалги натижалар тарихда қолди. Рақибга нима тайёрлаётганимиз ва уни ўйинда амалга ошириш жуда муҳим.

Биз қўлга киритган очколар аввал режа қилганимиздан бироз камроқ. Шу сабабли, футболчиларимиз Ўзбекистонга қарши баҳсда эътиборлироқ бўлади деб ўйлайман. Агар ушбу учрашувда ғалаба қозонмасак ҳақиқатдан ҳам қийин аҳволга тушиб қолишимизни яхши биламиз. Бу баҳс бироз асабий ўтиши мумкин, аммо ўртада жаҳон чемпионати йўлланмаси турибди.

Бизга ушбу 3 очко жуда ҳам керак. Чунки Эронга қарши учрашувда мағлуб бўлди ва бу ўйинда ғалаба қозонишимиз шарт. Аввалги баҳсда қандай ўйнаганимиз муҳим эмас. 3 очкони қўлга киритиш учун бор кучимизни ишга соламиз.

Жаҳон чемпионатлари саралашида аввал ҳам икки маротаба иштирок этганман. Ҳозирги босқичда жамоалар олдингиданда кучлироқ ўйин намойиш этмоқда ва жамоалар ўртасидаги фарқ камайиб боряпти.

Аммо биз ҳам яхши тизим яратганмиз. Кореяда футбол учун яхши шароитлар яратилган ва мураббийлар ҳам кучли. Бизда Европада ўйнайдиган футболчилар кўп. Бу жабҳада, бироз кучайдик. Умуман олганда, Осиё футбол савияси сезиларли даражада ўсган" - дейди Ку Жа Чол.