Криштиану Роналду "Вильярреал"га қарши баҳсни муддатидан аввал тарк этди

Роналду баҳс якунланишини кутиб ўтирмай ва ҳеч кимдан сўрамасдан кийиниш хонасига йўл олди. Учрашувда футболчи бир неча маротаба ўнг оёғининг сонини ушлаб олгани кузатилган эди.

"Реал" мухлислари жароҳат жиддий эмаслигига умид қилмоқда. Одатда бундай шикастланишлар бир неча ҳафта даволанади ва тахминлар ўзини оқласа Роналду "Манчестер Сити"га қарши Чемпионлар лигаси ярим финалининг биринчи учрашувини ўтказиб юбориши мумкин.